Urganchda mas’ul sanitar tozalash korxonasi o’zgardi
2025-07-22 17:25:00 / Yangiliklar
Hurmatli xorazmliklar, chiqindilarni boshqarish sohasini takomillashtirish, aholiga ko‘rsatilayotgan xizmat sifatini yaxshilash va qamrov darajasini oshirish maqsadida joriy yilning 14-iyuldan boshlab Xorazm viloyatining ayrim hududlarida xizmat ko‘rsatuvchi mas’ul sanitar korxonalar faoliyati o’zgarganini ma’lum qilamiz.
Ma’lumot o‘rnida: 2025-yilning 14-iyuligacha Urganch shahrining 37 ta mahallasiga “Urganch Avto Eko Trans” MChJ, qolgan 3 ta mahallasiga “Xorazm Gazpayvandchilar” MChJ hamda Urganch tumanidagi 60 ta mahallasiga esa “Urganch Avto Eko Trans” MChJ sanitar tozalash korxonalari tomonidan xizmat ko’rsatib kelinayotgan edi.
Endilikda, chiqindilarni olib chiqib ketish bo’yicha 2025-yil 14-iyulidan boshlab 5-2816-sonli shartnomaga asosan Urganch shahri hamda Urganch tumanidagi barcha mahallalarga Xorazm viloyati “Toza hudud” davlat muassasasi tomonidan xizmat ko‘rsatiladi.
Mazkur o‘zgarish aholiga ko‘rsatilayotgan xizmatlardagi yuzaga kelgan kamchiliklarni bartaraf etish va chiqindilarni boshqarish tizimini samarali yo‘lga qo‘yish maqsadida amalga oshirildi.