Korrupsiyaga qarshi kurashish yo‘lida tizimli ishlar amalga oshirilmoqda
2025-07-04 14:05:00 / Yangiliklar
Chiqindilarni boshqarish va sirkulyar iqtisodiyotni rivojlantirish agentligi tomonidan “Aholi va davlat xizmatchilarining huquqiy ongi hamda madaniyatini yuksaltirish, jamiyatda korrupsiyaga nisbatan murosasizlik muhitini shakllantirish” yo‘nalishida tizimli ishlar amalga oshirilmoqda.
2021-yil 6-iyuldagi 5177-sonli Prezident qaroriga muvofiq, Agentlikda korrupsiyaga qarshi ichki nazorat bo‘limi faoliyati yo‘lga qo‘yildi.
Amalga oshirilayotgan asosiy chora-tadbirlar:
- Xodimlar uchun muntazam trening va seminarlar tashkil etilmoqda;
- Ishga qabul qilish ochiq tanlov asosida amalga oshirilmoqda;
- Davlat xaridlari jarayonida ochiqlik va shaffoflik ta’minlangan;
- Korrupsiya haqida xabar berish uchun maxsus axborot kanallari hamda ishonch raqamlari ishga tushdi;
- Xodimlar o‘rtasida korrupsion xavf-xatarlarni aniqlash maqsadida so‘rovlar o‘tkazilmoqda;
- “Korrupsiyadan xoli soha” tamoyili asosida keng qamrovli targ‘ibot ishlari yo‘lga qo‘yilgan.
Korrupsiyaga qarshi kurashish faqat nazorat emas, balki har bir xodimning mas’uliyatli yondashuvi va jamiyatdagi adolatga bo‘lgan ishonchining ifodasidir!