Nukusda “Mahallani chiqindidan xoli hududga aylantiramiz” ekotarg‘ibot aksiyasi o‘tkazildi
2025-06-25 09:55:00 / Yangiliklar
O‘zbekiston Respublikasi Prezidentining joriy yil 15-maydagi PQ-184-son qarori – “2030-yilgacha bo‘lgan davrda aholining ekologik madaniyatini yuksaltirish konsepsiyasini tasdiqlash to‘g‘risida”gi hujjat ijrosini ta’minlash maqsadida Nukus shahrining “Temir yo‘l” mahallasida navbatdagi ekotashabbus amalga oshirildi.
Eko-aksiya “Mahallani chiqindidan xoli hududga aylantiramiz” shiori ostida o‘tkazildi. Tadbir davomida shaharga xizmat ko‘rsatuvchi korxonalar tomonidan maxsus texnikalar jalb qilindi. Mahalladagi chiqindi yig‘ish maydonchalari va jamoat joylaridan chiqindilar yig‘ilib, olib chiqildi.
Shu bilan birga, aholi o‘rtasida chiqindidan xoli hudud yaratish bo‘yicha targ‘ibot-tashviqot ishlari olib borilmoqda.