Chiqindilarni boshqarish va sirkulyar iqtisodiyotni rivojlantirish agentligi

Jumladan,  joriy yilda hududlardagi sanitar tozalash korxonalariga 53 ta chiqindi tashuvchi maxsus texnika, 59 ta motoroller hamda 165 ta chiqindi yig‘ish konteyneri yetkazib berildi.

Bundan tashqari, 2026-yilda chiqindilarni boshqarish tizimida zamonaviy, ekologik toza va elektr energiyasida harakatlanuvchi maxsus texnikalardan foydalanishni kengaytirish maqsadida 60 ta elektr chiqindi tashuvchi maxsus texnika ilk bor O‘zbekiston Respublikasiga olib kirilib, sanitar tozalash korxonalariga yetkazib berildi.

Shuningdek, chiqindi poligonlari faoliyatini samarali tashkil etish, chiqindilarni joylashtirish va zichlash, poligonlarning ichki yo‘llarini saqlash hamda yong‘in xavfsizligini ta’minlash maqsadida 22 ta buldozer xarid qilindi.

Bundan tashqari, joriy yil oxirigacha chiqindi poligonlarining moddiy-texnik bazasini yanada mustahkamlash, ularning faoliyat samaradorligini oshirish hamda chiqindilarni joylashtirish, zichlash va poligon hududlarini saqlash ishlarini mexanizatsiyalashtirish maqsadida Chiqindi poligonlarini boshqarish direksiyasi davlat muassasasi hududiy boshqarmalariga qo‘shimcha ravishda 10 ta buldozer, 10 ta avtoyuklagich hamda 10 ta ekskavator yetkazib berish ishlari amalga oshirilmoqda.

Kelgusida mazkur ekologik toza maxsus texnikalarni bosqichma-bosqich respublikaning barcha hududlarida joriy etish hamda sanitar tozalash korxonalarining mavjud ehtiyojlarini qondirish rejalashtirilgan. Xususan, 2027-yilda qo‘shimcha ravishda kamida 80 ta elektr va gibrid chiqindi tashuvchi maxsus texnika  xarid qilinib, sanitar tozalash korxonalariga yetkazib berilishi nazarda tutilmoqda.

Ayni paytda mazkur maxsus texnikalarni hududlarga topshirish ishlari olib borilmoqda. Chiqindilarni boshqarish infratuzilmasini zamonaviy texnika va uskunalar bilan ta’minlashga qaratilgan bu kabi chora-tadbirlar izchil davom ettirilmoqda.