Respublika bo‘ylab sentabr va oktabr oylarida 524 ta qoidabuzarlik holatlari aniqlandi
2026-10-14 14:35:00 / Yangiliklar
Chiqindilarni boshqarish va sirkulyar iqtisodiyotni rivojlantirish agentligi qoshidagi Kuzatuv kameralaridan foydalanish va nazorat qilish bo‘limi tomonidan respublikamizning ko‘plab hududlarida onlayn kuzatuv kameralari o‘rnatilgan. Ushbu kameralar orqali belgilanmagan joylarga chiqindi tashlash bilan bog‘liq qator huquqbuzarlik holatlari aniqlanmoqda.
Jumladan, sentabr va oktabr oylarida respublikada chiqindi bilan bog’liq jami 524 ta qoidabuzarlik holati aniqlangan. Shundan hozirda, 441 ta holat jarayonda, 83 tasi bo‘yicha esa jarima choralari qo‘llanilgan.
Maʼlumot uchun, respublikamizning deyarli barcha hududlarida jami 700 dan oshiq onlayn kuzatuv kamerasi o‘rnatilgan bo‘lib, ular nafaqat chiqindi tashlash, balki boshqa turdagi ekologik huquqbuzarliklarni ham aniqlash va chora ko‘rish imkonini beradi.