Ta’limga e’tibor — kelajakka e’tibor: 215-maktabning sport maydonchalari zamonaviy talablarda ta’mirlandi
2026-10-12 11:50:00 / Yangiliklar
Shu oʻrinda, Chiqindilarni boshqarish va sirkulyar iqtisodiyotni rivojlantirish agentligi tomonidan taʼlim yoʻlida yana bir xayrli ishga qoʻl urildi. Koʻpdan beri taʼmirtalab holatga kelib qolgan Toshkent shahri Yashnabod tumani 215-son umumtaʼlim maktabining stadioni mukammal taʼmirdan chiqarilib foydalanishga topshirildi.
Maktabning zamonaqiy talablarga toʻliq javob beradigan stadioniga ega boʻlishi oʻquvchi maktabda sport rivoji uchun muhim qadam boʻldi. Yillar oʻtib maʼnan eskirgan maydon oʻrniga qisqa fursatda zamonaviy standartlari asosida barpo etilgan 1 tabiiy va 1 ta sunʼiy qoplamali maydonlar nafaqat maktab oʻquvchilari balki ota-onalar va ustozlar uchun ham haqiqiy sovgʻa boʻldi.
Yoshlar uchun yaratib berilayotgan bunday sharoitlar ham ustoz murabbiylar, ham umidli sportsevar oʻquvchilar uchun keng imkoniyatlar eshigini ochib berdi.
Bir soʻz bilan aytganda, davlat tashkilotlari tomonidan o‘quvchi-yoshlarning kelajagi uchun mas’uliyatni chuqur his etgan holda ilgari surilayotgan bunday tashabbuslar ta’lim sohasini qo‘llab-quvvatlash, yoshlar uchun munosib sharoitlar yaratish hamda ularning har tomonlama kamol topishida muhim ahamiyat kasb etadi.