“Toza shahar”: chiqindilarni boshqarishning zamonaviy usullari targ‘ib qilindi
2026-10-02 16:35:00 / Yangiliklar
Ushbu tadbirlardan ko'zlangan maqsad ishtirokchilarning qattiq maishiy chiqindilarni boshqarish bo‘yicha bilimlarini oshirish, chiqindilarni to‘g‘ri saralash va qayta ishlashning ahamiyatini keng targ‘ib qilish, shuningdek, atrof-muhitni asrashga qaratilgan ekologik madaniyatni shakllantirishdan iborat bo‘ldi.
Tadbirlarning dastlabki qismida ishtirokchilarga chiqindilarni yig‘ish va tashishda foydalaniladigan zamonaviy maxsus texnikalarning vazifasi, ishlash prinsipi va ulardan foydalanish imkoniyatlari haqida batafsil ma’lumot berildi. Shuningdek, bunday texnikalardan foydalanish chiqindilarni yig‘ish jarayonini yanada samarali va qulay tashkil etishdagi muhim jihatlaridan biri ekani ta’kidlandi.
O‘quv seminarlari davomida qattiq maishiy chiqindilarni zamonaviy va samarali boshqarish masalalari atroflicha muhokama qilindi. Xususan, chiqindilarni hosil bo‘lgan joyida to‘g‘ri saralash, qayta ishlash mumkin bo‘lgan chiqindilarni alohida yig‘ish va qayta ishlashga yo‘naltirish, chiqindi miqdorini kamaytirish hamda mavjud resurslardan oqilona foydalanish bo‘yicha tushunchalar berildi.
Shuningdek, chiqindilarni boshqarishda faqat maxsus xizmatlarning emas, balki har bir fuqaroning mas’uliyati muhim ekani qayd etildi.
Tadbirlar davomida ishtirokchilar mavzu yuzasidan o‘zlarini qiziqtirgan savollarga mutaxassislardan javob olishdi.
Ma’lumot uchun, ushbu o‘quv-seminar darslari respublika bo‘ylab joriy yil oxirigacha davom etadi.