Xorazmda “Dolzarb 40 kunlik” doirasida nazorat va tozalik ishlari kuchaytirildi
2026-08-27 10:25:00 / Yangiliklar
Xorazm viloyati Chiqindilarni boshqarish va sirkulyar iqtisodiyotni rivojlantirish boshqarmasi hamda “Toza hudud” DM mas’ullari tomonidan mahallalar, chiqindi yig‘ish maydonchalari va konteynerlarning holati, maishiy chiqindilarni belgilangan muddatlarda olib chiqish hamda aholiga ko‘rsatilayotgan tozalash xizmatlari sifati joyiga chiqqan holda o‘rganildi.
O‘rganishlar davomida aniqlangan kamchiliklarni tezkor bartaraf etish, hududlarda tozalik va obodonlashtirish ishlarini jadallashtirish, xizmat sifatini oshirish yuzasidan mas’ullarga tegishli topshiriq va ko‘rsatmalar berildi. Shuningdek, chiqindi xizmatlari bo‘yicha qarzdorliklarni kamaytirish hamda aholining ekologik va to‘lov madaniyatini oshirishga qaratilgan manzilli tushuntirish ishlari olib borildi.
Shuningdek, hududlardagi chiqindi poligonlarining sanitar va texnik holati ham o‘rganilib, chiqindilarni tartibli joylashtirish, zichlash, poligon hududini toza saqlash hamda yong‘in xavfsizligini ta’minlash bo‘yicha mas’ullarga tegishli topshiriqlar berildi.