Namanganda chiqindilarni qayta yuklash punktining qurilish ishlari ko‘zdan kechirildi
2026-06-26 16:00:00 / Yangiliklar
Ma’lumki, Namangan viloyati To‘raqo‘rg‘on tumani “Yortepa” MFY hududida Chiqindilarni boshqarish agentligi tomonidan barpo etilayotgan chiqindilarni qayta yuklash stansiyasi (ChQYUS) qurilishi bo‘yicha ishlar jadal bormoqda.
Ekologiya, atrof-muhitni muhofaza qilish va iqlim oʻzgarishi vazirining birinchi o’rinbosari Obidjon Qudratov mazkur qayta yuklash punktida amalga oshirilayotgan ishlar bilan yaqindan tanishdi. Jarayonda qurilish jarayonlari ko‘zdan kechirilib, barcha amaliy chora-tadbirlarni belgilangan muddatda va sifatli olib borish yuzasidan mas’ullarga tegishli ko‘rsatmalar berildi.
Bugungi kunga qadar obyekt hududi atrofini devor bilan o‘rash ishlari to‘liq yakunlangan bo‘lib, infratuzilmasini yaxshilash va ichki yo'llarni asfaltlash ishlari muvaffaqiyatli yakuniga yetkazildi. Shuningdek, boshqa maishiy obyektlar qurilishi olib borilmoqda.