Xalqaro mehnat tashkiloti bilan chiqindilarni boshqarishda yangi yo’nalishlar belgilanadi
2026-06-25 10:00:00 / Yangiliklar
Chiqindilarni boshqarish va sirkulyar iqtisodiyotni rivojlantirish agentligi direktori Sharifbek Hasanov amaliy tashrifi doirasida Xalqaro mehnat tashkiloti (XMT)ning Sektor siyosati departamenti qazib olish sanoati, energetika va ishlab chiqarish bo‘limi boshlig‘i Kasper Edmonds hamda XMTning ustuvor harakatlar dasturi direktori doktor Mustafo Kamal Gueye bilan uchrashdi.
Unda chiqindilarni boshqarish, yashil va sirkulyar iqtisodiyot yo‘nalishlarida hamkorlik masalalari muhokama qilindi. Uchrashuvda tomonlar sohada yashil ish o‘rinlarini yaratish, soha xodimlarini malakasini oshirish, yoshlarni aylanma iqtisodiyot sektoriga jalb etish bo’yicha kelishuvga erishildi.
Mazkur hamkorlik O‘zbekistonda "yashil iqtisodiyot" tamoyillarini keng joriy etish, malakali kadrlar tayyorlash hamda chiqindilarni boshqarish tizimini yanada takomillashtirishga xizmat qilishi bilan ahamiyatli sanaladi.