Chiqindilarni boshqarish sohasida amalga oshirilayotgan investitsiya loyihalari
2026-04-30 17:50:00 / Yangiliklar
Yiliga 15 mln tonna chiqindi hajmi (2025-yil), 2-3% oʻsish surʼati, 88% qamrov darajasi, 4000 ta chiqindi yigʻish shoxobchasi, 4500 ta maxsus texnika mavjud.
Xizmat koʻrsatish va haq toʻlash tartibiga koʻra:
Chiqindilar abonentlar xonadonidan operatorlar tomonidan signal usulida chiqindi yigʻish maydonchalariga olib chiqiladi va undan qayta yuklash stansiyalariga olib ketilib, saralanadi va ekosanoat zonalari va chiqindi yoqish zavodlariga yetkazilib, qayta ishlanadi yoki yoqiladi. Bulardan qolgan qismi poligonlarga joylashtiriladi. Ushbu jarayonlarning barchasi Agentlikning yagona elektron billing tizimi orqali nazorat qilinadi.
Markazlashgan raqamli boshqaruv tizimi bazasida sanitar tozalash korxonalarining maʼlumotlari, hududlarning geografik chegara maʼlumotlari, abonentlarning maʼlumotlari hamda mobil ilova orqali onlayn arizalar qabul qilish va chiqindi yigʻish maydonchasi joylashuvi aks etadi.
2026-yilda 28 ta qayta yuklash stansiyasi quriladi:
Har bir stansiyaning kunlik quvvati 500-1500 tonna chiqindini qabul qilishga moʻljallangan. Natijada zavodlargacha boʻlgan masofa 30-40 foizga qisqaradi hamda yoqilgʻi sarfi 20-30 foizga tejaladi, transport xarajatlari 25-35 foizga kamayadi, xizmat koʻrsatish radiusi esa 20-50 km bilan logistika samaradorligi oshadi.
Chiqindilarni yoqish zavodlari:
2025-2027 yillarda amalga oshiriladi. Toshkent, Qashqadaryo, Samarqand, Fargʻona, Andijon, Namangan viloyatlaridagi 6 ta loyihaning umumiy qiymati 933 mln AQSH dollarini tashkil etib, hozirga qadar 244,5 mln AQSH dollari miqdori oʻzlashtirilgan.
2026-yil yakunida Qashqadaryo (70%) va Samarqand (60%) viloyatlarida “Shanghai SUS Environment” kompaniyasi tomonidan qurilayotgan chiqindi yoqish zavodlari ishga tushadi. Hozirda maxsus asbob-uskunalarga buyurtma
berilgan, binolarning poydevori toʻliq quyilib, armokarkas toʻqish hamda beton quyish ishlari 60 foizga, qurilish-montaj ishlari esa 40 foizga bajarilgan.
Sohada malakali kadrlarni tayyorlash maqsadida "Green" universitet hamda Samarqand va Qarshi davlat universitetlari kabi mahalliy OTMlar bilan hamkorlik yoʻlga qoʻyilib, har bir zavod uchun 150 nafar kadrlar zaxirasi yaratilgan.
2027-yilda boshlab yiliga 3,6 mln tonna qattiq maishiy chiqindi yoqiladi, 1,6 mlrd kVt elektr energiyasi ishlab chiqariladi, uglerod birliklari savdosidan daromad olinadi, “Nol chiqindi” tamoyiliga erishiladi. Hozirda ushbu chora-tadbirlar natijasida mahalliy mahsulot va xizmatlar xarid qilinib, qurilish ishlari davomida 2 000 ta yangi ish oʻrni yaratildi.