Dastlabki 3 oyda respublikada sohaga oid 2 mingdan ortiq huquqbuzarlik sodir etilgan
2026-04-09 12:55:00 / Yangiliklar
Chiqindilarni boshqarish va sirkulyar iqtisodiyotni rivojlantirish agentligi qoshidagi Kuzatuv kameralaridan foydalanish va nazorat qilish bo‘limi tomonidan respublikamizning ko‘plab hududlarida onlayn kuzatuv kameralari o‘rnatilgan. Ushbu kameralar orqali belgilanmagan joylarga chiqindi tashlash bilan bog‘liq qator huquqbuzarlik holatlari aniqlanmoqda.
Jumladan, 2026-yilning dastlabki 3 oyida respublikada chiqindi bilan bog’liq jami 2 107 ta qoidabuzarlik holati aniqlangan. Shundan 322 ta huquqbuzarlik bo‘yicha maʼmuriy javobgarlik qo‘llanilib, jarimalar undirilgan. Qolgan 1 785 ta qoidabuzarlikka qonunchilikda belgilangan tartibda choralar belgilanmoqda.
Maʼlumot uchun, respublikamizning deyarli barcha hududlarida jami 700 ga yaqin onlayn kuzatuv kamerasi o‘rnatilgan bo‘lib, ular nafaqat chiqindi tashlash, balki boshqa turdagi ekologik huquqbuzarliklarni ham aniqlash va chora ko‘rish imkonini beradi.