Volontyor qizlar ekologik muammolar yechimi yo‘lida birlashdi
2026-02-12 09:55:00 / Yangiliklar
Unda Agentlik mas’ullari tomonidan eko-volontyor qizlar bilan hududlarda ijtimoiy qatlam vakillari o‘rtasida targ‘ibotlar va tushuntirishlar olib borilishi bo‘yicha to‘xtalib o‘tildi. Ekologiya qo‘mitasining “Yosh ekologlar harakati” jamoasi ham faol qatnashib, ishtirokchilarga atrof-muhit muhofazasi, barqaror ekologik rivojlanishga ko‘maklashish va bu borada iqlim muammolari yechimi yuzasidan ijtimoiy jarayonlarga jalb qilishda xotin-qizlar, ayniqsa yoshlarning o‘rni muhimligi kabi masalalar bo‘yicha taklif va loyihalarini o‘rtaga tashlashdi.
Tadbir doirasida ishtirokchilar 5 ta yo‘nalish bo‘yicha: “Salomatlik”, “Ta’lim va qadriyatlar”, “Eko”, “Huquq” hamda “AT” volontyorlari seksiyalariga ajratildi. Har bir seksiyada tajribali ekspertlar ishtirokida master-klasslar o‘tkazilib, liderlik va jamoada ishlash, ijtimoiy loyiha tayyorlash, kommunikatsiya hamda media ko‘nikmalarini rivojlantirish bo‘yicha amaliy bilimlar berildi.
Shu o‘rinda, forumda nutq olgan Bosh vazir o‘rinbosari — Oila va xotin-qizlar qo‘mitasi raisi Zulayho Maxkamova ham volontyorlik faoliyatining jamiyat hayotidagi, ayniqsa, o‘sib kelayotgan yosh qizlarning kamol topishi, iqlim masalalarida muhim o‘rni haqida alohida ta’kidladi.
Forumda jami 1000 nafarga yaqin ishtirokchi qamrab olindi. Jumladan, 200 nafar ishtirokchi tadbirda bevosita, 800 nafari esa hududiy studiyalar orqali onlayn tarzda ishtirok etdi.
Yakunda faol ishtirokchilar volontyorlik sertifikatlari va esdalik sovg‘alari bilan taqdirlandi.