Chiqindilarni boshqarish va sirkulyar iqtisodiyotni rivojlantirish agentligi

Bugun, 1-dekabr kuni O‘zbekiston Respublikasi Prezidenti Shavkat Mirziyoyev huzurida yig‘ilish bo‘lib o‘tdi.

Yig‘ilishda ekologik barqarorlik, shu jumladan chiqindilarni qayta ishlash masalalari atroflicha ko‘rib chiqilib, mutasaddilarning hisobotlari tinglandi.

Jumladan, maishiy chiqindilardan elektr energiyasi ishlab chiqarish bo‘yicha 933 million dollarlik loyihalar 6 ta hududda – Andijon, Namangan, Farg‘ona, Samarqand, Qashqadaryo va Toshkent viloyatlarida boshlangani, ammo boshqa viloyatlarda bu borada jiddiy harakat kuzatilmayatgani ta’kidlandi.

— Boshlangan loyihalarda ham investorlarni infratuzilma – yo‘l, elektr, suv bilan ta’minlash ishlari talab darajasida emasligi aytib o‘tildi.

— Viloyatlar hokimliklari va Ekologiya milliy qoʻmitasiga kamchiliklarni bartaraf etib, kelgusi yilda qolgan hududlarda ham shunday loyihalarni boshlash topshirildi.