Samarqand: Maishiy chiqindidan elektr energiyasi olinadigan zavod qurilishi joyida oʻrganildi
2025-11-22 17:00:00 / Yangiliklar
Ayni kunlarda Samarqand viloyatida boʻlib turgan Chiqindilarni boshqarish va sirkulyar iqtisodiyotni rivojlantirish agentligi direktori Sharifbek Hasanov boshchiligidagi ishchi guruh hududda barpo etilayotgan chiqindi yoqish zavodining qurilish jarayonlari bilan joyida tanishdi.
Ma'lumot uchun: Samarqand shahri “Xushrav” qoʻrgʻoni “Navroʻz” MFY hududidagi 15 gektar yer maydonida Xitoyning “Shanghai SUS Environment” kompaniyasi tomonidan chiqindilarni yoqish orqali elektr energiyasi ishlab chiqaradigan zavod qurilmoqda. Loyihada umumiy qiymati 150 mln AQSH dollari miqdorida investitsiya jalb etilgan. Kelgusida ushbu zavodda kuniga 1,5 ming tonna chiqindi qayta ishlanib, yiliga jami 240 mln kVt/soat elektr energiyasi ishlab chiqariladi va 150-200 ta yangi ish oʻrni yaratiladi.
Shu kuni mutasaddilar loyihaning tashabbuskor mas'ullari ishtirokida olib borilayotgan qurilish ishlari hamda unda yaratilgan xavfsizlik choralarini yaqindan oʻrganilib, tegishli koʻrsatma va topshiriqlar muhokama qilindi.