Xitoyning Xubey provinsiyasi delegatsiyasi Quvasoyda investitsiyaviy hamkorlik istiqbollarini muhokama qildi
2026-06-20 09:00:00 / Yangiliklar
“Toshkent xalqaro investitsiya forumi” doirasida Xitoy Xalq Respublikasining Xubey provinsiyasi qurilish ishlarini rivojlantirish markazi direktori Van Injun boshchiligidagi tadbirkorlar delegatsiyasining Quvasoy shahriga tashrifi amalga oshirildi.
Tashrif davomida mehmonlar Quvasoy shahrining sanoat salohiyati, investitsiya imkoniyatlari hamda amalga oshirilayotgan yirik loyihalar bilan yaqindan tanishdilar.
Shuningdek, tomonlar o‘rtasida savdo-iqtisodiy hamkorlikni yanada rivojlantirish, qurilish materiallari ishlab chiqarish, sanoat va infratuzilma sohalarida qo‘shma investitsiya loyihalarini amalga oshirish masalalari yuzasidan muzokaralar o‘tkazildi.
Uchrashuv yakunida o‘zaro manfaatli hamkorlikni kengaytirish, istiqbolli investitsiya loyihalarini hayotga tatbiq etish hamda uzoq muddatli sheriklikni mustahkamlash yuzasidan fikr almashildi.
Mazkur tashrif Quvasoy shahri va Xitoyning Xubey provinsiyasi o‘rtasidagi iqtisodiy aloqalarni mustahkamlash, yangi investitsiyalarni jalb etish hamda istiqbolli qo‘shma loyihalarni amalga oshirishda muhim qadam bo‘lib xizmat qiladi.