Quvasoyda murojaatlar bilan ishlash samaradorligini oshirish bo‘yicha o‘quv-amaliy seminar o‘tkazildi
2026-06-10 09:00:00 / Yangiliklar
Xalq qabulxonasida jismoniy va yuridik shaxslarning murojaatlari bilan ishlash samaradorligini yanada oshirishga qaratilgan o‘quv-amaliy seminar bo‘lib o‘tdi.
Seminarda O‘zbekiston Respublikasi Prezidenti Xalq qabulxonasi rahbarining tegishli topshirig‘i hamda Prezidentning PF-51-son Farmoni ijrosi yuzasidan amalga oshirilayotgan ishlar muhokama qilindi. Mutasaddilar tomonidan tushuntirish berish orqali nazoratdan chiqarilgan murojaatlarni qayta o‘rganish, ularni cabinetpm.gov.uz tizimiga kiritish hamda ijobiy hal etilgan murojaatlar ulushini oshirish masalalariga alohida e’tibor qaratildi.
Tadbir davomida murojaatlar bilan ishlashning amaliy jihatlari tushuntirilib, ishtirokchilarning savollariga javoblar berildi. Yakunda murojaatlarni qayta o‘rganish, tizimga sifatli ma’lumot kiritish va bu boradagi nazoratni kuchaytirish yuzasidan tegishli vazifalar belgilab olindi.