Germaniya delegatsiyasi Nukus tumanida joylashgan O‘zbekiston Respublikasi Prezidenti huzuridagi Orolbo‘yi xalqaro innovatsiya markazi faoliyati bilan tanishdi
2025-10-28 14:15:00 / Yangiliklar
Germaniya delegatsiyasi Nukus tumanida joylashgan O‘zbekiston Respublikasi Prezidenti huzuridagi Orolbo‘yi xalqaro innovatsiya markazi faoliyati bilan tanishdi.
Mehmonlarga markaz olimlari tomonidan Orolbo‘yi mintaqasida amalga oshirilayotgan ilmiy-tadqiqot ishlari haqida ma’lumot berildi. Jumladan, ekoturizmni rivojlantirish, barqaror organik kunjut etishtirish, Qizilmiya (Glycyrrhiza glabra) o‘simligini FairWild xalqaro talablari asosida sertifikatlash, Qizilmiya va na’matak etishtirish hamda ularning eksportini yo‘lga qo‘yish, shuningdek, ekologik barqarorlikni ta’minlagan holda Orolbo‘yi mintaqasida iqtisodiy rivojlanishni yaxshilash bo‘yicha olib borilayotgan ishlar haqida batafsil axborot taqdim etildi.
Delegatsiya a’zolari markaz faoliyatini yuqori baholab, o‘zlarini qiziqtirgan savollarga javob oldilar.