Karate-do bo‘yicha 17-jahon chempionati g'oliblari tantanali ravishda kutib olindi
2025-10-10 18:55:00 / Yangiliklar
2025 yil 27 sentyabr 3 oktyabr kunlari oralig'ida o‘smirlar, yoshlar hamda kattalar sportchilari orasida Yaponiya davlatining Tokio shahrida shotokan karate-do bo‘yicha 17-jahon chempionati bo‘lib o‘tdi.
Ushbu chempionatga jami 30 dan ortiq davlatlar bilan hamkorlikda O‘zbekiston Respublikasi terma jamoasi ham ishtirok etdi.
Bo‘lib o‘tgan 17-jahon chempionatiga O‘zbekiston Respublikasi terma jamoasi tarkibida Qoraqalpog'istonlik sportchilar ham qatnashdi.
Musobaqa yakunida E.Umarova 1-o‘rinni, K.Baxtiyarova 2-o‘rinni, A.Quatbaeva 1-o‘rinni, M.Imamatdinova yakka kumite yo‘nalishi bo‘yicha 3-o‘rinni va jamoaviy kumite yo‘nalishi bo‘yicha 1-o‘rinni, J.Imamatdinov yakka kumite yo‘nalishi bo‘yicha 3-o‘rinni, jamoaviy kumite bo‘yicha 2-o‘rinlarni egallab qaytdi.
Shotokan karate-do bo‘yicha O‘zbekiston terma jamoasi tarkibida 5 sportchimiz ushbu chempionatda qatnashib to‘rt oltin, ikki kumush hamda ikki bronza jami 8 medalni qo‘lga kiritishga muvaffaq bo‘ldi.
Shu munosabat bilan Nukus shahri Aeroportda Qoraqalpog'iston Respublikasi sport vazirligi va karate WKF federatsiyasi rahbarlari tomonidan kutib olindi.