Nukus tumanida korrupsiyaga qarshi kurashish masalalari muhokama qilindi
2025-09-19 15:50:00 / Yangiliklar
Joriy yilning 16 sentyabr kuni Xalq deputatlari Nukus tumani Kengashi huzuridagi "Korrupsiyaga qarshi kurashish va xavfsizlik masalalari bo‘yicha doimiy komissiya" tashabbusi bilan muhim uchrashuv bo‘lib o‘tdi.
Unda komissiya raisi M.Begdullayev, komissiya a’zolari va Nukus tumani prokurori P.Xalmuratov ishtirok etdi. Uchrashuv davomida 2025 yil davomida tumanda korrupsiyaga qarshi kurashish yo‘nalishida amalga oshirilayotgan ishlar, mavjud muammolar, erishilgan natijalar va kelgusidagi ustuvor vazifalar atroflicha muhokama qilindi.
Komissiya va prokuratura vakillari tomonidan alohida ta’kidlanganidek, korrupsiyaga qarshi samarali kurashishda profilaktik tadbirlarning rolini oshirish, huquqni muhofaza qiluvchi organlar va jamoatchilik o‘rtasidagi hamkorlikni mustahkamlash, fuqarolar o‘rtasida huquqiy ong va madaniyatni yuksaltirish muhim ahamiyatga ega.