Nukus tumanida korrupsiyaga qarshi kurashish bo‘yicha amalga oshirilayotgan ishlar muhokama qilindi
2025-09-07 15:45:00 / Yangiliklar
Xalq deputatlari Nukus tumani Kengashi huzuridagi korrupsiyaga qarshi kurashish va xavfsizlik masalalari bo‘yicha doimiy komissiya raisi M.Begdullayev rahbarligida yig‘ilish bo‘lib o‘tdi. Mazkur tadbir mahallalardagi xotin-qizlar faollari ishtirokida tashkil etildi.
Yig‘ilishda 2025-yilda tumanda korrupsiyaga qarshi kurashish borasida amalga oshirilayotgan chora-tadbirlar, erishilgan natijalar, mavjud muammolar va ularni bartaraf etish yuzasidan taklif va mulohazalar muhokama qilindi. Shu bilan birga, kelgusida amalga oshirilishi lozim bo‘lgan vazifalar va ustuvor yo‘nalishlar belgilab olindi.
Tadbir davomida korrupsiyaning oldini olish, jamoatchilik nazoratini kuchaytirish, ayollar va yoshlarning huquqiy ongini oshirish, shuningdek, profilaktik ishlar samaradorligini oshirish kabi masalalarga alohida e’tibor qaratildi.