Uchrashuvda soʻnggi olti yil davomida Oʻzbekiston va Tojikiston oʻrtasida oliy taʼlim, ilm-fan va innovatsiyalar sohasidagi aloqalarimiz sezilarli darajada faollashganini qayd etildi. Hamkorlik oʻqituvchi va talabalar almashinuvi, ilmiy anjumanlar, dissertatsiyalar himoyasi boʻyicha kengashlar ishida ishtirok etish, oʻzaro oʻquv jarayonlarini tashkil qilish, professor-oʻqituvchilar malakasini oshirish, taʼlimga raqamli texnologiyalarni joriy etish, ikki davlat olimlari tomonidan ilmiy jurnallarda maqolalar chop etishni oʻz ichiga oladi.

Tomonlar taʼlim jarayonini tashkil etish, taʼlimga yangi texnologiyalarni joriy etish, oʻqituvchilar malakasini oshirish, maʼruzalar oʻqish, mahorat saboqlarini oʻtkazish maqsadida oʻzaro tajriba almashish orqali taʼlim sohasidagi hamkorlikni kengaytirish lozimligini qayd etdilar. 

Vazir va elchi Toshkentda joriy yilning aprel oyida rejalashtirilgan Oʻzbekiston va Tojikiston universitetlari rektorlarining forumi, shuningdek, Tojikistonda Oʻzbekiston universitetlarining ta’lim koʻrgazmasini oʻtkazish boʻyicha tashkiliy masalalarni ham muhokama qildilar.