O‘zbekiston va Xitoy o‘rtasida strategik sheriklik mustahkamlanmoqda
2025-07-17 10:10:00 / Yangiliklar
16-iyul kuni O‘zbekiston tashqi ishlar vaziri Baxtiyor Saidov Xitoy Kommunistik partiyasi Markaziy qo‘mitasi Siyosiy byurosi a’zosi, Xitoy tashqi ishlar vaziri Van I bilan uchrashuv o‘tkazdi.
Xitoy Xalq Respublikasi Kommunistik partiyasi Markaziy qo‘mitasi Siyosiy byurosi a’zosi va tashqi ishlar vaziri Van I janoblari bilan uchrashuv doimo iliq va samimiy ruhda o‘tdi.
Uchrashuv davomida tomonlar o‘zaro manfaatli iqtisodiy aloqalarni yanada mustahkamlash, mintaqaviy bog‘liqlikni kuchaytirish, barqarorlikni ta’minlash hamda ko‘p tomonlama hamkorlik orqali umumiy maqsadlarga erishish yo‘llarini muhokama qildilar.
O‘zbekiston va Xitoy o‘rtasidagi har tomonlama strategik sheriklik munosabatlarini rivojlantirishga qaratilgan sa’y-harakatlar xalqlarimiz manfaatlariga xizmat qilmoqda.