Xotin-qizlar bandligini taʼminlash borasida tizimli ishlar izchil davom etmoqda

Uchrashuvlar davomida tumanlardagi mutasaddi tashkilotlar, xususan, Toshkent viloyati hokimining o‘rinbosari, Oila va xotin-qizlar boshqarmasi boshlig‘i N. Normirzayeva, shuningdek, Markaziy bankning Toshkent viloyati bosh boshqarmasi, tijorat banklari va boshqa manfaatdor tashkilotlar vakillari tomonidan amalga oshirilayotgan ishlar yuzasidan axborot berildi.

Asosiy e’tibor xotin-qizlarni iqtisodiy faollikka jalb etish, ularning bandligini taʼminlash va barqaror daromad manbalariga ega bo‘lishlarini taʼminlash masalalariga qaratildi. Tahliliy yondashuv asosida har bir hududda olib borilayotgan ishlar chuqur ko‘rib chiqildi, mavjud kamchiliklar muhokama qilinib, ularni bartaraf etish yuzasidan aniq vazifalar belgilandi.

Toshkent viloyatining barcha tuman va shaharlarida xotin-qizlar bandligini taʼminlash borasida amalga oshirilayotgan ishlarga oid tuman hokimining o‘rinbosarlari hisobot berdi. Hisobotlarda muayyan hududlarda ko‘plab xotin-qizlarga kasb-hunar o‘rgatish, ularni tadbirkorlik faoliyatiga yo‘naltirish, oilaviy bizneslarni yo‘lga qo‘yish, shuningdek, ijtimoiy himoyaga muhtoj ayollarni qo‘llab-quvvatlash bo‘yicha olib borilayotgan tashabbuslar tilga olindi.

Tashrif doirasida Zulayho Mahkamova O‘rta Chirchiq tumanida bo‘lib, u yerda xotin-qizlar bandligini taʼminlash borasida amalga oshirilayotgan amaliy ishlar bilan manzilli tanishdi. Tuman miqyosida yaratilayotgan ish o‘rinlari, kasbga yo‘naltirish markazlari faoliyati, ayollarning o‘zini o‘zi band qilishiga ko‘maklashish borasidagi dasturlarni ko‘zdan kechirdi. Jumladan, kasb-hunarga tayyorlash kurslari, davlat-xususiy sheriklik asosida tashkil etilgan ishlab chiqarish sexlari va kooperatsiya loyihalari ayollarning iqtisodiy mustaqilligini oshirishga xizmat qilayotgani taʼkidlandi.

Uchrashuv yakunida Bosh vazir o‘rinbosari tomonidan joylardagi mavjud muammolarni hal etish, ayollar bandligini taʼminlashga doir faoliyatni tizimli va samarali tashkil etish bo‘yicha qatʼiy topshiriqlar berildi. Shuningdek, ayollarning imkoniyatlarini kengaytirish, ularni zamonaviy kasblarga o‘rgatish va ularning mehnat bozoridagi o‘rnini mustahkamlash yo‘lida yangi yondashuvlarni joriy qilish zarurligi alohida qayd etildi.

Bu kabi uchrashuvlar va tahliliy tahlillar asosida respublikamizda xotin-qizlar manfaatini himoya qilish, ularni qo‘llab-quvvatlash va har tomonlama kamolga yetkazish borasidagi ishlarga yangicha surʼat berilmoqda.