Oliy ta’lim, fan va innovatsiyalar vaziri Andijonda

Ayni kunlarda Oliy ta’lim, fan va innovatsiyalar vaziri Qo’ng’irotboy Sharipov Andijon viloyatida xizmat safarida bo‘lib turibdi. Vazir 14-fevral kuni Andijon arxitektura-qurilish texnikumi qoshidagi Qurilish sohasida malakali mutaxassislarni tayyorlash markazi faoliyati bilan tanishdi.

Markazning umumiy yer maydoni 2,5ga ni tashkil etib, u yerda 300 o‘rinli o‘quv binosi, 300 o‘rinli yotoqxona va 150 o‘rinli oshxona mavjud. Fuqarolarga kasb hunar sirlarini o‘rgatish maqsadida markaz 6 ta amaliyot ustaxonalari , 26 ta o‘quv xonasi, 1 ta avtobus hamda 5 ta maxsus texnika vositalari bilan ta’minlangan.

Markazda hozirgi kunda 7 ta qurilish sohasidagi kasblar, xususan, kran mashinist (kranchi), stropolchi, elektrogazpayvandchi, elektromontajchi, duradgor, santexnika ishlari ustasi yo‘nalishlari bo‘yicha 176 nafar tinglovchi o‘qimoqda.