Oʻzbekiston, Qozogʻiston va Qirgʻiz Respublikalarining Energetika hamda Suv xoʻjaliklari vazirlarining navbatdagi uchrashuvi boʻlib oʻtdi
2025-05-15 11:15:00 / Yangiliklar
14-may kuni Energetika vazirligida Oʻzbekiston Energetika vaziri J.Mirzamahmudov, Oʻzbekiston Suv xoʻjaligi vaziri Sh.Xamrayev, Qozogʻiston Energetika vaziri Y.Akkenjenov, Qozogʻiston Suv xoʻjaligi va irrigatsiya vaziri N.Nurjigitov, Qirgʻiz Respublikasi Energetika vaziri T.Ibrayev hamda boshqa mutasaddi rahbarlar ishtirokida navbatdagi ishchi uchrashuv boʻlib oʻtdi.
Uchrashuvda mamlakatlar suv-energetika tizimining yoz mavsumida ham barqaror ishlashini taʼminlash masalalari muhokama qilindi. Shuningdek, tarmoqlar ish rejimlarining grafiklari kelishildi.
Mazkur tadbirda tomonlar oʻrtasida hamkorlikda amalga oshirilayotgan loyihalar, xususan, “Qambarota GES-1” qurilishi loyihasining hozirgi holati va suv-energetika balansini muvofiqlashtirish masalalari koʻrib chiqildi.
Uchrashuv yakunlari bo‘yicha tegishli bayonnoma imzolandi hamda yaqin kunlarda kelgusi tadbirlarni muvofiqlashtirilgan tarzda o‘tkazish yuzasidan kelishuvga erishildi.