BAAning Envirol kompaniyasi bilan uchrashuv.
2025-05-14 08:40:00 / Yangiliklar
13-may kuni O‘zbekiston Respublikasi Investitsiyalar, sanoat va savdo vaziri Laziz Kudratov BAAning Envirol kompaniyasi bosh direktori Elham Putang‘estani boshchiligidagi delegatsiya bilan uchrashdi.
Envirol o'z faoliyatini 2006 yilda Dubayda boshlagan. Envirol Dubay hukumati bilan kunlik quvvati 500 000 litrdan ortiq bo'lgan chiqindi moylarni qayta ishlash bo'yicha tashkil topgan qo'shma korxonadir. Alserkal guruhining sho''ba korxonasi hisoblanadi.
Uchrashuvda Markaziy Osiyodagi birinchi chiqindidan bioyoqilgʻi ishlab chiqaruvchi zavodni Oʻzbekistonda qurish istiqbollari muhokama qilindi.
Loyihani muvaffaqiyatli va oʻz vaqtida amalga oshirish boʻyicha aniq choralar belgilanib, uzoq muddatli hamkorlikni yanada rivojlantirishga oʻzaro tayyorlik bildirildi.