Xitoy kompaniyasi bilan hamkorlik aloqalari yo‘lga qo‘yiladi

Unda O‘zbekistonda qishloq xo‘jaligi sohasida maxsus dronlarni sinovdan o‘tkazish, mahalliylashtirish va sanoatlashtirish masalalari muhokama qilindi.

Suhbat davomida Xitoyning “Banazen (Shenzhen) Technology Co., LTD” kompaniyasi tomonidan ishlab chiqarilgan dronlarni mamlakatimiz agroiqtisodiy sharoitiga moslashtirish bo‘yicha amalga oshiriladigan ishlar batafsil bayon etildi.

Xususan, dronlarni yig‘ish sexlarini yo‘lga qo‘yish, texnik xizmat ko‘rsatish markazlari va o‘quv sinflarini tashkil etish, shuningdek, mutaxassislarni tayyorlash jarayonlariga alohida e’tibor qaratildi.

Ta’kidlanishicha, mazkur loyiha natijasida agrar sohaga ilg‘or texnologiyalarni joriy etish, ekologik muvozanatni saqlash, resurslardan samarali foydalanish va eng muhimi — oziq-ovqat xavfsizligini ta’minlashga xizmat qiluvchi mustahkam poydevor yaratiladi.

Vazir Ibrohim Abdurahmonov o‘z nutqida O‘zbekistonning bu yo‘nalishdagi qat’iy pozitsiyasini, qishloq xo‘jaligida raqamlashtirish va zamonaviy texnologiyalarni keng joriy etishga bo‘lgan siyosiy irodasini alohida ta’kidladi. Shuningdek, Qishloq xo‘jaligi vazirligi vakolatlari doirasida ushbu tashabbuslarni har tomonlama qo‘llab-quvvatlashga tayyor ekanini bildirdi.

Uchrashuv yakunida loyiha bo‘yicha tahliliy ishlarni olib borish, shuningdek, istiqbolda o‘zaro hamkorlikni yo‘lga qo‘yish bo‘yicha kelishuvga erishildi.