Vazir Hilola Umarova Islom Taraqqiyot Banki prezidenti hamda BAA Taʼlim vaziri bilan uchrashdi

Samarali kechgan muloqot doirasida transformatsiyaviy taʼlim tashabbuslari, inklyuziv taʼlim imkoniyatlarini kengaytirish borasidagi ustuvor yoʻnalishlar muhokama qilindi.

Vazir Hilola Umarova uchrashuvda, bugungi kunda Oʻzbekistonda barcha bolalarning bilim olishlarida teng imkoniyatlar yaratish va buning uchun zamonaviy infratuzilmani yaratishga katta eʼtibor qaratilayotganligini taʼkidlab oʻtdi. Va shu oʻrinda Islom Taraqqiyot Banki bilan oʻrnatilayotgan hamkorlik bunda muhim ahamiyat kasb etishini qayd etdi.

Forum doirasidagi uchrashuvlar Birlashgan Arab Amirliklari taʼlim vaziri Sara Al-Amiri xonim bilan davom etdi.

Muloqot doirasida tomonlar taʼlim sohasidagi ikki tomonlama hamkorlikni yanada chuqurlashtirish, pedagoglarni tayyorlash, raqamli transformatsiya va innovatsion yondashuvlarga doir qoʻshma loyihalarni rivojlantirish masalalarini muhokama qilishdi.

Uchrashuvda:

“Emirates National Schools” bilan taʼlim dasturlari va xalqaro maktab qurish boʻyicha hamkorlik;

Abu-Dabi taʼlim kolleji bilan pedagoglar malakasini oshirish;

Prezident maktablari oʻquvchilarining BAAdagi xalqaro tanlovlarda ishtirok etishi;

“Yangi Oʻzbekiston” universiteti va Xalifa universiteti oʻrtasida talabalar almashinuvi;

Joriy yil Samarqandda oʻtkaziladigan “Markaziy Osiyo – Koʻrfaz davlatlari” sammitida ilgari suriladigan taʼlimga doir yangi tashabbuslar xususida fikr yuritildi.