Kon-geologiya vaziri “Kalyon Holding” kompaniyasi vakillari bilan uchrashuv o‘tkazdi
2023-12-14 10:40:00 / Yangiliklar
O‘zbekiston Respublikasi Tog‘-kon sanoati va geologiya vaziri B. Islamov Turkiyaning “Kalyon Holding” kompaniyasi boshqaruv kengashi raisining birinchi о‘rinbоsаri L. Elvan boshchiligidagi delegatsiya bilan uchrashdi.
Uchrashuvda o‘zbek-turk munosabatlarining keng qamrovli strategik sheriklik darajasida ekanligi alohida qayd etildi hamda kon-geologiya sohasi tarmoqlariga xorijiy investitsiyalarni jalb etish masalalari muhokama etildi.
“Kalyon Holding” kompaniyasi 1974-yilda tashkil etilgan. Hozirda qurilish, energetika va elektrotexnika sanoati kabi sohalarda faoliyat olib boradi.
Qatar, Rossiya, Liviya, BAA, Saudiya Arabistoni va Iroq kabi davlatlarda infratuzilma bilan bogʻliq loyihalarni amalga oshirgan.