Dastavval Oman sultonligi bilan hamkorlikda faoliyati yo‘lga qo‘yilgan "Atyab international services" laboratoriyasi faoliyati ko‘zdan kechirildi. Mazkur laboratoriya tomonidan berilayotgan sertifikat orqali mahalliy tadbirkorlarimiz qishloq xo‘jaligi mahsulotlarini xorijga eksport qilmoqda.  

Jamshid Xodjayev O‘zbekiston va Janubiy Koreya hamkorligida faoliyati yo‘lga qo‘yilgan "GS-BIO-AGRO" invitro laboratoriyasi bilan ham yaqindan tanishdi. Mazkur laboratoriyada dunyoga mashhur kartoshka tuganaklari invitro usulida ko‘paytirilmoqda.

Milliy markaz direktori Shuhrat Otajonov Fundamental tadqiqotlar markazi (Center of Excellence) loyihasi haqida axborot berdi. Kelgusida ushbu mavzeda qishloq xo‘jaligi kampusi yaratilishi haqida taqdimot qildi.

Bosh vazir o‘rinbosari Jamshid Xodjayev tomonidan Fundamental tadqiqotlar markazi (Center of Excellence)  va boshqa zamonaviy ilmiy infratuzilma obyektlari qurilishiga oid qo‘shimcha ko‘rsatmalar berildi.

Shundan so‘ng Janubiy Koreya grant loyihalari asosida barpo etilgan o‘quv majmua va issiqxonalar faoliyati bilan ham yaqindan tanishdi.