Tomonlar ushbu uchrashuv uch mamlakat Davlat rahbarlari – O‘zbekiston Respublikasi Prezidenti Shavkat Mirziyoyev, Qirg‘iz Respublikasi Prezidenti Sadir Japarov va Tojikiston Respublikasi Prezidenti Emomali Rahmon o‘rtasida hamkorlik va mintaqaviy integratsiyani mustahkamlash maqsadida davlat chegarasi masalalari bo‘yicha avval erishilgan kelishuvlar doirasida o‘tkazilayotganini ta’kidladi.

Mazkur uchrashuv xalqlarimizni birlashtiruvchi uch davlat chegarasi tutashgan hududda o‘tkazilgani ramziy ma’noga ega.

Boisi, Davlatlarimiz rahbarlarining kuchli siyosiy irodalari va konstruktiv munosabatlarga asoslangan siyosatlari tufayli mintaqada do‘stlik hamda yaxshi qo‘shnichilik, ko‘p qirali aloqalar mustahkamlanib, yangi pog‘onaga ko‘tarildi. Ayni paytda, Markaziy Osiyo tinchlik va farovonlik hududi ekani amalda o‘z ifodasini topmoqda.

Shuningdek, uchrashuvda bo‘lajak uch tomonlama tadbirlarni tashkil etish bilan bog‘liq masalalar atroflicha muhokama qilindi.

Bo‘lajak uchrashuv qardosh mamlakatlar o‘rtasidagi yaxshi qo‘shnichilik va ko‘p qirrali sheriklik munosabatlarini rivojlantirishga xizmat qilishi qayd etildi.