O‘zbekiston Oliy ta’lim, fan va innovatsiyalar vaziri Tojikiston ta’lim va fan vaziri bilan uchrashdi

Tomonlar 21 sentyabr kuni Toshkent shahrida bo‘lib o‘tadigan “Markaziy Osiyoda mintaqaviy hamkorlikni rivojlantirish orqali oliy ta’lim taraqqiyotini mustahkamlash” mavzusidagi xalqaro konferensiyaga tayyorgarlik masalalarini muhokama qildilar.

Rahim Hamro Saidzoda Tojikistonda bo‘lib o‘tgan Tojikiston–O‘zbekiston birinchi Rektorlar forumi ikki davlat oliy ta’lim muassasalari o‘rtasida hamkorlikni rivojlantirishga katta hissa qo‘shganini e’tirof etib, bu yo‘nalishda ishlarni yanada jadallashtirish lozimligini qayd etdi.

Tomonlar kelgusi yilda O‘zbekiston-Tojikiston rektorlarining ikkinchi forumini O‘zbekistonda o‘tkazishga kelishdilar. 

Ibrohim Abdurahmonov oliy ta’lim va ilm-fan integratsiyasi haqida so‘z yuritib, qo‘shma ilmiy loyihalar tanlovlarini tashkil etish bo‘yicha ishlarni yo‘lga qo‘yish lozimligini ta’kidladi. Shuningdek, Tojikistonning ilmiy va oliy ta’lim muassasalarini joriy yil oktyabrda o‘tkazilishi rejalashtirilayotgan “InnoWeek.uz” innovasion g‘oyalar haftaligiga taklif qildi.