Uchrashuvda ikki tomonlama hamkorlik aloqalarini yanada mustahkamlash, yangi loyihalarni amaliyotga tatbiq etish masalalari muhokama qilindi.

Uchrashuv avvalida Ibrohim Abdurahmonov tomonidan so‘nggi yillarda O‘zbekiston-Xitoy munosabatlari har jabhada, xususan qishloq xo‘jaligi sohasida ham rivoj topayotganligi, ayniqsa, paxtachilikda Shinjon-Uyg‘ur avtonom regioni bilan munosabatlar rivojlanib borayotganligi qayd etib o‘tildi.

Muloqot davomida delegatsiya a’zolari bugungi kunda Toshkent davlat agrar universiteti bilan yaqindan hamkorlik aloqalarini yo‘lga qo‘yganligi, bu aloqalarni kelgusida yanada rivojlantirish borasida amaliy ishlar qilinayotganligini aytib o‘tishdi.

Bundan tashqari, yangi laboratoriyalar, ilmiy ishlanmalar hamda hamkorlikda tadqiqot markazlarini barpo etish kelgusi rejalarda mavjud ekanligi ta’kidlab o‘tildi.

Uchrashuv yakunida Ibrohim Abdurahmonov hamkorlikka tayyor ekanligini, Qishloq xo‘jaligi vazirligi vakolat doirasida har qanday yordamga tayyor ekanligini bildirib o‘tdi.