Bosh vaziri o‘rinbosari Jamshid Xodjayev Jizzax viloyatidagi barpo etilayotgan zamonaviy Agrologistikaga keldi
2023-09-12 12:30:00 / Yangiliklar
O‘zbekiston Respublikasi Bosh vaziri o‘rinbosari Jamshid Xodjayev boshchiligidagi Tashqi savdo, investitsiyalar, mahalliy sanoatni rivojlantirish va texnik jihatdan tartibga solish masalalari bo‘yicha Hukumat komissiyasi investitsiya dasturlarini amalga oshirish va hududiy eksport hajmini oshirish bo‘yicha ishlarning borishini o‘rganish maqsadida Jizzax viloyatiga keldi.
Tashrif davomida J.Xodjayev BMB-NRC Agrologistics qo‘shma korxonasi tomonidan Jizzax viloyati Sharof Rashidov tumani 2-sektor hududida barpo etilayotgan zamonaviy Agrologistika kompleksiga tashrif buyurib, kompleksdagi bunyodkorlik ishlari bilan yaqindan tanishdi.
Hukumat komissiya aʼzolari tomonidan loyiha doirasida bugungi kunga qadar amalga oshirilgan ishlar, kiritilgan investitsiyalar miqdori va kelajakda kompleks faoliyatini yanada kengaytirish bo‘yicha maʼlumotlar tinglanib, mutassadilarga manzilli topshiriqlar berildi.