AQSHning Oʻzbekistondagi Favqulodda va muxtor elchisi Djonatan Xenikning Ichki ishlar vazirligiga tashrifi amalga oshirildi

Muloqot davomida Oʻzbekiston ichki ishlar organlari va AQSH huquqni muhofaza qilish organlari oʻrtasida oʻzaro hamkorlik aloqalarining huquqiy asoslarini mustahkamlash, jinoyatchilikka qarshi kurashish, jamoat tartibi va xavfsizligini taʼminlash, oʻzaro tajriba almashish hamda kadrlar malakasini oshirish kabi ikki tomonlama hamkorlikni rivojlantirish istiqbollariga oid masalalar muhokama qilindi.

Oʻz navbatida elchi janoblari AQSHning diplomatik missiyasi nomidan sohaga oid oʻzaro hamkorlikni yanada rivojlanishi hamda kengayishi uchun hissa qoʻshishga tayyorligini bildirdi.

Doʻstona va konstruktiv ruhda oʻtgan uchrashuv yakunida ikki mamlakatning huquqni muhofaza qilish organlari oʻrtasidagi aloqalarni mustahkamlash borasida tegishli vazifalar belgilab olindi.