Xalqaro Markaziy Osiyo qishloq ayollari forumiga start berildi

Mazkur tadbir BMTning Oziq-ovqat va qishloq xo‘jaligi tashkiloti (FAO)va O‘zbekiston agrar soha ayollari uyushmasi hamkorligida tashkil etilgan bo‘lib, unda "Fan, innovatsiyalar, oziq-ovqat xavfsizligi hamda barqaror rivojlanishda ayollarning o‘rni" mavzusida muhokamalar bo‘lib o‘tadi. 

Qishloq xo‘jaligi vazirligi huzuridagi Qishloq xo‘jaligida bilim va innovatsiyalar milliy markazi direktori Shuhrat Otajonov forumda ishtirok etayotgan mehmon qatnashchilarga tashkilotchilarning estalik sovg‘alarini topshirdi.

15-oktabr Xalqaro qishloq ayollari kuni munosabati bilan tashkil etilgan Markaziy Osiyo Forumida O‘zbekiston Respublikasi Bosh vaziri o‘rinbosari Zulayho Mahkamova qishloq xo‘jaligi sohasida ayollarning roli va ahamiyati haqida nutq so‘zlab, "Ayni vaqtda sohada 1,5mlndan ortiq xotin-qiz faoliyat olib bormoqda. Respublikada faoliyat yuritayotgan 90 mingdan ortiq fermer xo‘jaliklarining 6,5 foiziga ayollar rahbarlik qiladi. Ularni faoliyatini qo‘llab-quvvatlash, fermerlik sohasida munosib ishtirokini ta’minlash, iste’dodlarini ro‘yobga chiqarish borasida hukumat darajasida alohida e’tibor qaratilmoqda" - deya ta’kidladi.