Oʻzbekiston: paxta yetishtirishda yangicha yondashuv va yangicha ishlash davr talabi

Vazir o‘z nutqi davomida mazkur konferensiyada aynan O‘zbekiston mezbon bo‘lganligini so‘nggi yillarda Prezidentimiz Shavkat Mirziyoyevning amalga oshirayotgan islohotlarining natijasi deya ta’kidlab o‘tdi.

Shuningdek vazir, mamlakatmiz paxta sanoati tarixi, bugungi kundagi islohotlar haqida batafsil ma’lumotlar berib o‘tdi. Xususan, ilk bor yurtimizda joriy yildan e’tiboran xorijiy g‘o‘za navlarini ekish amaliyoti yo‘lga qo‘yilganligini, erta pishar navlarni yaratilganligini, 76 lik sxema asosida, plyonka ostiga, qo‘shqator qilib, tomchilatib sug‘orish texnologiyalarini qo‘llagan holda Xitoy tajribasining yo‘lga qo‘yilganligini aytib o‘tdi.

Bundan tashqari vazir genomika sohasida so‘nggi paytlarda olib borilgan amaliy ishlar haqida ham ma’lumot berib o‘tdi. AQShlik olimlar bilan birgalikda germoplazmalar tadqiqotini olib borilib, Meksikada tajribadan o‘tkazilganligi hamda mahalliy navlar haqida birma bir to‘xtab o‘tildi.

Yurtimizda paxta yetishtirish, uni parvarishlash, sifatli hosil olish va turli navlarni tajribadan o‘tkazish borasida keng ko‘lamli, natijaga yo‘nalgan agroloyihalar amalga oshirib kelinmoqda. Bu yil ham keng dalalarda xuddi shu yo‘sinda tizimli, hamkorlikka asoslangan g‘o‘zani yetishtirish amaliyoti olib borildi.

Bunday yutuqlar O‘zbekistonda olib borilayotgan qishloq xo‘jaligi islohotlari, shuningdek, to‘g‘ri agrotexnik tadbirlarning natijasi sifatida e’tirof etish mumkin.