Uchrashuv davomida O‘zbekiston va Iordaniya o‘rtasidagi bugungi kunga qadar madaniyat sohasida amalga oshirilgan hamkorlik ishlari haqida so‘z yuritildi.  

"O‘zining boy tarixi va madaniyatiga ega O‘zbekiston Iordaniya bilan ko‘p yillik aloqaga ega. Ko‘p tomonlama hamkorlik aloqalarimiz Ta’lim, fan va madaniyat masalalari bo‘yicha islom tashkiloti – AYSESKO doirasida ham kengayib, rivojlanib bormoqda. Ikkala xalq ham o‘z qadryatlarini tarixiy dovonlar osha shakllantirib bo‘lgan va jahon madaniyatlari orasida o‘zining alohida ta’sir kuchiga ega bo‘lgan qadimiy meroslarning saqlovchilaridir. Kelajakda tashkilot doirasida va ikki tomonlama munosabatlarimizni rivojlantirish, moddiy va nomoddiy madaniy meros hamda san’atning boshqa turli sohalarida aloqalarimizni mustahkamlash asosiy maqsadimiz bo‘lishiga umid qilib qolaman", - dedi Iordaniya Hoshimiylar Qirolligining malikasi Dana Firas zoti oliyalari.

Uchrashuv yakunida ikki tomonlama hamkorlikni yanada kengaytirish uchun qo‘shma ta’lim dasturlari, qo‘shma moddiy hamda nomoddiy madaniy meros loyihalari, ikki tomonlama ijodiy almashinuvlar, ijodiy sanoatni rag‘batlantirish tashabbuslari taklif etildi.