Cho‘lponotada MDHga a’zo davlatlar Mudofaa vazirlari kengashining yig‘ilishi bo‘lib o‘tdi

Asosiy  yigʻilish davomida mudofaa vazirlari MDH formatida 2026-yil davomida harbiy hamkorlik konsepsiyasining amalga oshirilish holatini tahlil qilib, kelgusida harbiy sohadagi hamkorlikning dolzarb va istiqbolli yo‘nalishlarini muhokama qildilar.

Shuningdek, zamonaviy sharoitda Hamdo‘stlik davlatlarining harbiy hamkorligini yanada rivojlantirish bo‘yicha takliflar ko‘rib chiqildi.

Yig‘ilishning keyingi qismida ishtirokchilar zamonaviy jangovar harakatlar davomida muhandislik ta’minoti vazifalarini bajarishda uchuvchisiz tizimlar va robototexnika majmualarini amaliy qo‘llash, shuningdek, hujum va mudofaa harakatlarini olib borishda uchuvchisiz uchish apparatlaridan jangovar foydalanish tajribasini muhokama qildilar.

Bundan tashqari MDHga a’zo davlatlar mudofaa idoralari rahbarlari armiya sportini yanada rivojlantirish hamda Hamdo‘stlik davlatlari qurolli kuchlari o‘rtasida harbiy-amaliy sport turlari bo‘yicha musobaqalarni tashkil etishni takomillashtirish masalalarini ko‘rib chiqishdi.

Yig‘ilish yakunida Mudofaa vazirlari kengashi tomonidan qator qarorlar imzolandi. Ular harbiy sohadagi o‘zaro hamkorlikni yanada rivojlantirish hamda Hamdo‘stlik davlatlari Qurolli Kuchlarini mustahkamlashga qaratilgan.