Uchrashuv davomida harbiy hamkorlik sohasida munosabatlar va istiqboldagi rejalar muhokama qilindi hamda harbiy hamkorlikning meʼyoriy huquqiy asosi – mudofaa vazirliklari oʻrtasida oʻzaro anglashuv memorandumi imzolandi.

Shuningdek, uchrashuvda xavfsizlik hamda harbiy sohadagi hamkorlik masalalarini muhokama etish maqsadida mudofaa idoralari mansabdor shaxslarining oʻzaro tashriflarini tashkillashtirish masalalari ko‘rib chiqildi. Harbiy taʼlim va harbiy tibbiyot yoʻnalishlarida hamkorlikni yoʻlga qoʻyish, harbiy boʻlinmalar oʻrtasida hamkorlikdagi oʻquvlarni tashkillashtirish kabi takliflar bildirib o‘tildi.

Uchrashuv yakunida Shayx Hamdan bin Muhammad mehmondoʻstchilik uchun oʻz minnatdorligini bildirib, uchrashuv ishtirokchilarini oʻtgan Mustaqillik bayrami bilan tabrikladi.