Singapur bilan savdo-iqtisodiy va investitsiyaviy hamkorlikni kengaytirish istiqbollari muhokama qilindi.

Suhbat davomida O‘zbekiston tomoni Osiyo infratuzilmaviy investitsiyalar banki asoschilaridan biri bo‘lgan va xalqaro iqtisodiy aloqalarni mustahkamlash va Osiyoda barqaror infratuzilmani rivojlantirishga sodiqlik ko‘rsatayotgan Singapur bilan hamkorlikni chuqurlashtirishga qiziqishini bildirdi.

Singapur bilan savdo-iqtisodiy va investitsiyaviy hamkorlikni kengaytirish istiqbollari muhokama qilindi. So‘nggi yetti yil ichida savdo hajmi ikki barobar oshdi va Singapur investitsiyalari hajmi qariyb 1 milliard dollarga yetdi.

2023-yilda oliy darajadagi tashriflar chog‘ida erishilgan umumiy qiymati 3,9 milliard dollarga teng investitsiya bitimlarini o‘z vaqtida amalga oshirish bo‘yicha tizimli ish yo‘lga qo‘yildi. Bu kimyo sanoati, strategik aktivlarni boshqarish, logistika markazlari qurilishi, qishloq xo‘jaligi va ta’lim sohasidagi yirik loyihalarni o‘z ichiga oladi. ISSV har bir loyihani manzilli qo‘llab-quvvatlashni ta’minlamoqda.

Uchrashuv yakunlari bo‘yicha tomonlar navbatdagi O‘zbekiston-Singapur biznes forumini o‘tkazish muddatlarini kelishib oldilar va hamkorlikni rivojlantirish uchun istiqbolli: infratuzilmani rivojlantirish, aqlli qishloq xo‘jaligi, axborot texnologiyalari, elektrotexnika mahsulotlari ishlab chiqarish, sog‘liqni saqlash kabi sohalarni belgilab oldilar.