Investitsiya loyihalarining ijrosi va ularni amalga oshirishdagi masalalar ko‘rib chiqildi

Sergeli — poytaxtimizning logistika, avtomobilsozlik, qurilish materiallari ishlab chiqarish, to‘qimachilik va oziq-ovqat sanoati kabi ko‘plab yo‘nalishlarda investitsiya loyihalari rivojlanayotgan hududlaridan biri.

2026-yilda tumanga $700 mln xorijiy investitsiya jalb etish, $458,7 mln lik eksportni ta’minlash, $250,3 mln lik loyihalarni ishga tushirish va 2,5 ming ta yangi ish o‘rni yaratish rejalashtirilgan.

Yanvar–avgust oylarida tumanga $431,4 mln xorijiy investitsiya jalb etildi, eksport hajmi $208,3 mln ni tashkil qildi.

🔷 Komissiyaning birinchi manzili — "First Dry Port Terminal" bo‘ldi. Bu yerda 22 gektar maydonda qiymati $90 mln bo‘lgan logistika markazi — quruq port tashkil etilmoqda. 2024–2027-yillarga mo‘ljallangan loyiha doirasida 150 ta ish o‘rni yaratiladi.