Turkiy davlatlar tashkiloti ishtirokchi — davlatlar ichki ishlar vazirlarining birinchi yigʻilishi
2024-09-06 17:40:00 / Yangiliklar
Oʻzbekiston Respublikasi Ichki ishlar vaziri general-leytenant Poʻlat Bobojonov boshchiligidagi delegatsiya Turkiy davlatlar tashkiloti ishtirokchi — davlatlar ichki ishlar vazirlarining birinchi yigʻilishida qatnashish uchun Qirgʻiz Respublikasining Choʻlpon-Ota shahriga tashrif buyurdi.
Tadbir jarayonida Turkiy davlatlar tashkiloti ishtirokchi — davlatlar ichki ishlar vazirlarini mamlakat Prezidenti Sadir Japarov qabul qildi.
Uchrashuvda turkiy davlatlar hududida jinoyatchilikka, shu jumladan, terrorizm, ekstremizm, odam savdosi, kiberjinoyatlar, narkotik moddalarning noqonuniy muomalasi hamda noqonuniy migratsiyaga qarshi kurashish masalalari muhokama qilindi hamda soha yoʻnalishida hamkorlikning istiqbollarini belgilab olindi.