O‘zbekiston va Hindiston tashqi ishlar vazirlari hamkorlikning ustuvor yo‘nalishlarini muhokama qildi

Muloqot chog‘ida O‘zbekiston–Hindiston strategik sheriklik va ko‘p qirrali hamkorlik munosabatlarini yanada rivojlantirishning dolzarb masalalari muhokama qilindi. Davlatlar rahbarlari tomonidan belgilab berilgan vazifalarni amalga oshirish, oliy darajada erishilgan kelishuvlar ijrosini ta’minlash hamda turli darajalardagi faol siyosiy muloqotni izchil davom ettirish masalalariga alohida e’tibor qaratildi.

Tomonlar savdo-iqtisodiy, investitsiyaviy, transport-logistika va boshqa ustuvor yo‘nalishlardagi hamkorlikni yanada kengaytirish istiqbollarini ko‘rib chiqib, amaliy hamkorlikni faollashtirish yuzasidan fikr almashdilar.

Shuningdek, bo‘lajak oliy va yuqori darajadagi tadbirlar rejasi muhokama qilinib, tashqi ishlar vazirliklari o‘rtasidagi yaqin va muntazam muloqot erishilgan kelishuvlarning o‘z vaqtida hamda to‘liq amalga oshirilishiga xizmat qilishi ta’kidlandi.