Cho‘lponotada ShHT Tashqi ishlar vazirlari kengashining navbatdagi yig‘ilishi bo‘lib o‘tdi

Yig‘ilish davomida bo‘lajak ShHT sammitiga tayyorgarlik masalalari, Tashkilot faoliyatining ustuvor yo‘nalishlari, ko‘p tomonlama hamkorlikni yanada rivojlantirish, iqtisodiy va transport-logistika aloqalarini kengaytirish, shuningdek, mintaqaviy xavfsizlik va barqaror taraqqiyotni ta’minlashga oid dolzarb masalalar muhokama qilindi.

Tadbir yakunida ishtirokchi davlatlar vakillari tomonidan qator hujjatlar imzolandi.

Anjuman doirasida delegatsiyalar rahbarlari ramziy ma’noga ega kartinani birgalikda yaratish marosimida ham ishtirok etdilar. Ushbu tashabbus ShHT makonida o‘zaro ishonch, do‘stlik va yaxshi qo‘shnichilik ruhini mustahkamlashga qaratilgan umumiy intilishning ifodasi sifatida e’tirof etildi.

Yig‘ilish yakunida tadbirlarni yuqori saviyada tashkil etgani va samimiy mehmondo‘stligi uchun Qirg‘iz Respublikasi tashqi ishlar vaziri Jeenbek Kulubayev hamda tadbir tashkilotchilariga minnatdorlik bildirildi.