Ozarbayjon Respublikasi Prezidentining O‘zbekistonga Davlat tashrifi boshlandi
2024-08-22 17:40:00 / Yangiliklar
Ozarbayjon Respublikasi Prezidenti Ilhom Aliyevning Davlat tashrifi Toshkent shahridagi Haydar Aliyev yodgorligiga gul qo‘yish marosimi bilan boshlandi.
Mazkur ko‘rkam go‘sha Prezidentimiz Shavkat Mirziyoyev tashabbuslari bilan 2022-yilda Ozarbayjon xalqining umummilliy yetakchisi, o‘zbek xalqining yaqin do‘sti Haydar Aliyev sharafiga bag‘ishlab barpo etilgan.
Ozarbayjon delegatsiyasi buni O‘zbekiston xalqidan qardosh Ozarbayjon xalqiga hurmat ifodasi, umumiy tariximizga chinakam birodarona munosabati sifatida qabul qilishini ta’kidladi.
Shundan so‘ng Ozarbayjon Prezidenti Ilhom Aliyev Bosh vazir Abdulla Aripov hamrohligida “Yangi O‘zbekiston” bog‘iga tashrif buyurib, Mustaqillik monumenti poyiga gul qo‘ydi.