«Abu Dabida aziz birodarim, Birlashgan Arab Amirliklari tashqi ishlar vaziri Shayx Abdulla bin Zoid Ol Nahayon Hazrati Oliylari bilan uchrashganimizdan mamnunmiz, - deb  yozdi  O‘zbekiston  TIV rahbari  o‘zining telegram kanalida. O‘zbekiston- BAA aloqalari savdo, sarmoya, innovatsiyalar, “yashil” energetika, qishloq xo‘jaligi, logistika, transport va boshqa sohalarda jadal rivojlanib bormoqda. Bizning kengaytirilgan kun tartibimiz ikki tomonlama hamkorlikni yana-da faollashtirish va xalqaro tashkilotlar doirasida izchil muloqotni rivojlantirish bo‘yicha takliflarni qamrab oldi. O‘zbekiston va BAA tashqi ishlar vazirliklari o‘rtasidagi aloqalarda o‘zaro manfaatli muloqotni boyitish bo‘yicha ham vazifalarni belgilab oldik».