O‘zbekiston va XMT xalqaro mehnat standartlari sohasida hamkorlikni mustahkamlamoqda

Unda Oliy Majlis Senati Raisi, Odam savdosiga qarshi kurashish va munosib mehnat masalalari bo‘yicha milliy komissiya raisi Tanzila Narbayeva hamda Kambag'allikni qisqartirish va bandlik vaziri Botir Zaxidov ishtirok etdi.

Uchrashuvlarda O‘zbekiston va Xalqaro mehnat tashkiloti o‘rtasidagi hamkorlikning bugungi holati va istiqbollari, mamlakatimizda mehnat, bandlik va ijtimoiy sheriklik sohasida amalga oshirilayotgan ishlar natijalari, milliy mehnat qonunchiligini xalqaro standartlarga muvofiq yana-da takomillashtirish masalalari, shuningdek, XMTning ratifikatsiya qilingan konvensiyalari bo‘yicha majburiyatlarni amalga oshirish jarayonlari muhokama qilindi.

Korin Varga O‘zbekistonda mehnat sohasida amalga oshirilayotgan islohotlar natijalarini yuqori baholab, milliy normativ-huquqiy bazani xalqaro standartlarga muvofiqlashtirish va fuqarolarning mehnat huquqlarini himoya qilish mexanizmlarini mustahkamlash bo‘yicha izchil ishlar olib borilayotganini taʼkidladi.