Maktabgacha va maktab ta’limi vazirligining delegatsiyasi Xitoy Xalq Respublikasida
2026-05-12 09:50:00 / Yangiliklar
Maktabgacha va maktab ta’limi vaziri E’zoza Karimova boshchiligidagi delegatsiya ayni vaqtda Xitoy Xalq Respublikasining Xanchjou shahrida bo‘lib turibdi.
Tadbirlar doirasida vazir E’zoza Karimova Xitoy Xalq Respublikasi Ta’lim vaziri Huay Jinpeng bilan ikki tomonlama uchrashuv o‘tkazdi.
Unda sun’iy intellektni maktablarda ta’limiga joriy etilishida Xitoy tajribasidan foydalanish imkoniyatlari muhokama qilindi.
Vazir Huay Jinpeng O‘zbekistondagi ta’lim islohotlarini yuqori baholadi va ilgari surilgan tashabbuslarni qo‘llab-quvvatlashini bildirdi.
Uchrashuv yakunida tomonlar o‘rtasida “Ta’lim sohasida sun’iy intellekt bo‘yicha hamkorlik” to‘g‘risida Memorandum imzolandi.
Ma’lumot o‘rnida: mazkur uchrashuvlar “Raqamli ta’lim bo‘yicha Jahon konferensiyasi—2026” doirasida amalga oshirilmoqda.